البلد ما فيها “ديارف”!

0 231

محمد خلف الشمري

تبرعات الكويت وأهلها للدول الفقيرة شيء يشرف قالها المعاق: لله الحمد خيرها وصل للدنيا كلها ما اقول الا “عمار ياكويت والله يدوم عزج يا ام الأيتام”!
ومن خلال هذا النافذة المباركة أتمنى من الله ومن الحكومة إسقاط ديون المواطنين “الهشتاق اليوم رقمه 111” ورفع رواتبهم لان سلم الرواتب الخشبي متفاوت بين الناس.
الشاب: يا اخوي نبي السلامة والله يكملها بالستر والله يعينا على المستقبل لان بوادره “فللي” ما هي طيبة وما عليكم من اللي يقول الكويتي مدلل!
الشايب: تفاءل بالخير “يابوك” تلقاه بس لو تقط نظارتك السودا اللي مغطيه نص فرتك!
الشاب: ودي ياحجي بس البوادر قشرا وغبرا واقحواني انت ما تسمع ولا تقراء اللي قاعد يصير بالبلد؟
الرجل: تلفونه نوكيا ابو تريك وش تترجى يجيب “السي ان ان” مثلا! ما عليه ياحجي الشيطان اغواني، فضلا وليس أمرا، اسمعوا الحديث اللي صار بيني وبين ولدي أمس!.. بابا قلت نعم قال: نبي نسافر!.. بلحظتها رجعت بالذاكرة وراء “طوط طوط” وقلت هالكلام جديد علي ولا أفتكر قلته بيوم ما لأبوي!.. قلت: وش السبب يا بابا تبون تسافرون؟.. قال: بصراحة ملينا حكره ماعندنا شاليه او مزرعة او اسطبل نذهب بالصباحي اليها بانشراحي!.. حدنا ان طلعنا رحنا للسوق نتفرج على الأسعار الغالية او نعلف بمطعم والله شي ينرفز!
يا بابا البلد بكبرها ما فيها ديارف “مدن ملاهي” ولا ترفيه كل شي هدموه وخربوه علينا!.. هو يسولف وانا اقلب قهوة السوالف براسي وأردد بنفسي الولد عنده حق لان حنا يالكبار ما عندنا غير روحت الديوان والممشى وبالعكس وهذا حالنا منذ سنوات “ما حسبتها من طولها” والله العيال كبرت وارقعي بالصوت يا ام البزارين!
المعاق: وش الحل يالربع لنا سنين على طماط “ايوا بالطاء” المرحوم؟
الخبير: الحل عندي وانا ابو محمد هنيدي عليكم بفتح الأبواب للمستثمر الأجنبي “شجعوا الاستثمار” وادي دقني وحواجبي ان ما كلتوش ملبن وخنفروش زي ما بتقولوا!
بصو ياحضرات فيه ناس مملينه نفسهم يعملوا مشاريع بالكويت “هاردلك ياكويته يابتوع اديني” بسبب نعمة الأمن والامان!
وأكاد اجزم بالعشرة واصباع بانهم على استعداد بتحمل جميع المصاريف وعليهم بوسة (الضرائب) وبكدا ترجع درة ومرجانة الخليج للواجهة من جديد!
الشاب: من تمك لباب السماء بس هذي تحتها خط فسفوري وش يفكنا من جشع بعض الناس “البلد اخر همهم” اللي ماتهمهم الا مصالحهم وأنفسهم وترى كروشهم قريشات!
المتمولس: سألني صديق هل جربت الحب يوما؟.. قلت: لا جربت الفستق!.. وفي هذه الاثناء رفع على مسامعنا الشيخ زغلول اذان الظهر.

كاتب كويتي
‏bofahad42@hotmail.com

You might also like